झाली सुरुवात नव्या दिनाची – Marathi Kavita

8
842

कवी – तुषार दौलत भांड




  कोकीळाची कुहूकुहू ही कानावर पडती
  मंजुळ आवाजांची 
  ही स्वप्नांची गाणी
  मनात काहूरांची 
  ही आली भरती
  झाली सुरुवात नव्या दिनाची.........

  पक्ष्यांच्या सुरातून निघती ही गाणी 
   सूर्याच्या आगमनाची
   रात्रीच्या निरोपाची
   झाली सुरुवात नव्या दिनाची........

   न्हाऊन थाटात ही हिरवी गालीचे सजली 
   दव मोतींची अलंकार अर्पण ही केली
   मंद वाऱ्यांची चढली ही धुंदी
   डोलू लागली ही हिरवी झाडी 
   झाली सुरुवात नव्या दिनाची........

  फुलांची कळी उमलली 
  सुगंधाची लहर पसरली 
  आगमन या दिवसाचे करण्यासाठी
  पारिजातकाने रांगोळी घातली 
  झाली सुरुवात नव्या दिनाची...........

नाव :- तुषार दौलत भांड
इयत्ता:- 11वी
मु.पो.:- आरडगांव, ता-राहूरी , जिल्हा-अहमदनगर

8 COMMENTS

LEAVE A REPLY

Please enter your comment!
Please enter your name here