Marathi Kavita – कधी मी उशाशी

March 6, 2017

1969

कधी मी उशाशी तुझे स्वप्न घेतो
पुन्हा काळजाला नवे घाव देतो
पुन्हा चाळतो काही अव्यक्त पत्रे
पुन्हा मग नव्याने नवे भाव लिहितो

कधी मग अचानक कुठे दूर जातो
तुझ्या चार स्मृती त्या बांधून नेतो
असा चिंब होतो तुझ्या त्या स्मृतिनी
पुन्हा आसवांचा तो पाऊस येतो

कधी तू दिसावी असा भास होतो
पुन्हा ओळखीचा तो आवाज येतो
मना आस दिसशील पुन्हा सांजवेळी
आता रोज सूर्यास विझवून जातो

आता भेटणारा तो प्रत्येक म्हणतो
कसा कोण होता कसा आज दिसतो
मला मीच पाहून जमाना गुजरला
असा रोज जगतो जसा रोज मरतो

कधी मी उशाशी तुझे स्वप्न घेतो
पुन्हा काळजाला नवे घाव देतो

रचना : द्वैत

₹100.00 (as of May 29, 2023 20:28 GMT +05:30 - )